Geskryf deur Gustav Odendaal Maart 2010

______________________________________

Ek is...

My beker loop oor, of bly ek leeg
want daars steeds iets waarna ek 
verlang ek het genoeg en tog 
ontbreek daar ‘n belangrike deel

van my mens wees, help my 
help my om volkome te word,
eendag te word soos ek behoort
te word soos my plan...iewers.

Lyk my plan na stof net stof
of is my plan blou, is daar
ook vir my ‘n plan soos daardie tent
‘n tent van seil en hout en goud

Of is ek self ‘n tent, waarvan
die seile styf span soos U wind
my vul, U asem deur my trek
As dit so is... hoe sal ek ooit hier

hier onder kan bly? Gee my vlerke
gee genade, ek gee myself...vul my

...vol tot oorlopens toe vol.